29-июлдан 5-августка чейин Каракол шаар кеңешинин өкүлдөрү Түркиянын Гебзе шаарынын жергиликтүү өзүн өзү башкаруу тармагы боюнча тажрыйба алмашууда. Бул иш чара Түркиядагы кыргыз элчилигинин “Элдик дипломатиянын келечеги” аттуу долбоордун алкагында уюштурулган. Тышкы иштер министрлигинин маалыматына караганда, 2008-жылдын күз айларында ушундай эле максат менен Анталиянын өкүлдөрү Чолпон-Ата шаарына келет. 2006-2007-жылдары Түркиянын жергиликтүү кеңештери Кыргызстанга эки миллион сомдон ашык каражат өлчөмдөгү материалдык жардам көрсөткөн. (AJ)
