Орусиянын Тышкы иштер министрлиги тараткан билдирүүдө ортодогу чатактын чоң аскерий жаңжалга айланарына аз гана калгандыгы айтылып, расмий Тбилисини кырдаалды оорлотпоого чакырды. Маалым болгондой, өткөн апта соңунда Түштүк Осетияда кагылышуудан алты адам мерт кеткен. Тбилиси болсо Орусияны Түштүк Осетия жана коңшу Абхазиядагы жикчилерди колдоодо деп айыптап келет.
