Буга доогер Кубанычбек Исабековдун эмгек өргүүсүндө жүргөнүнө байланыштуу сот жараянын жылдыруу тууралуу өтүнүчү себеп болду. ЖК вице-спикери Кубанычбек Исабеков кыргыз өкмөтүнүн Канадалык Камэко ишканасы менен 1992-жылкы долбоорду өзгөртүү, “Центерра голд инк” компаниясын түзүү тууралуу 2003-жылы түзгөн келишимин жокко чыгаруу өтүнүчү менен сотко кайрылган. Бишкектеги райондор аралык сот бул ишти үстүбүздөгү жылдын февраль айынан бери карап келе жатат.(ZKo)
