БУУнун Башкы Жыйыны 1994-жылы ушундай чечим кабыл алган. Мындагы башкы максат азайып бараткан түпкүлүктүү элдердин улуттук маданий өзгөчөлүктөрүн жана көп түрдүүлүгүн сактоо жана өнүктүрүү болуп саналат. Ошону менен катар бул күн түпкүлүктүү элдердин турмушундагы жакырчылык жана ар кандай басмырлоо көйгөйлөрүн чечүүгө үндөйт.БУУнун маалыматына караганда дүйнөдө алты континентте жетимиштен ашык өлкөдө беш миңден ашык тилде сүйлөгөн түпкүлүктүү улуттар бар.
