Ош облустук мамлекеттик акимчилигинин өнөр жай, курулуш жана коммуникация бөлүмүнүн башчысы Сайпидин Момуновдун «Азаттыкка» маалымдашынча, көмүрдүн баасы аймакта бир апта ичинде эки эсе кымбаттады. “Мындай кырдаалдын түзүлүшүнө ортомчулар себеп болушууда”, деген оюн облустук бийликтин өкүлү кошумчалады. Ош аймактык антимонополия комитетинин төрагасы Ринат Талипов президент Бакиевдин кайрылуусунан кийин отун-сууга, анын ичинде көмүргө баалар кескин түрдө көтөрүлгөнүн билдирди. Ал жетектеген мекеменин наркты ооздуктоого укугу жоктугун, себеби облус алкагындагы шахталардын баары менчиктештерилип кеткендигин билдирди. (ATo)
