Эгерде Грузиянын президенти кызматынан кетсе, Түштүк Осетиядагы кырдаал жөнгө салынмак. Бул тууралуу Орусиянын тышкы иштер министри Сергей Лавров билдирди. Министр Лавровдун айтымында, Орусия Михаил Саакашвилини кызматтан алуунун үстүндө иштеген жок, бирок грузин президенти ишинен кетсе бир кыйла жакшы болмок. Сергей Лавров бул тууралуу ЕККУнун учурдагы төрагасы, Финляндиянын тышкы иштер министри Александр Стубб менен биргелешип өткөргөн маалымат жыйынында билдирди. ЕККУ жана Евробиримдик Түштүк Осетиядагы кырдаалды жөнгө салуунун үстүндө иштеп жатат.
