Грузия Орусияны Абхазия менен Түштүк Осетияда 1993-жылдан бери этникалык тазалоо саясатын жүргүзүп жатат деп айыптап, Гаагадагы Эл аралык Сотко арыз менен кайрылды. Бул жөнүндө Грузиянын Коопсуздук кеңешинин катчысы Александр Ломая билдирүү таратты. Эл аралык соттон Орусияга каршы доо арызы кабыл алынганын ырасташты. Орусия өз кезегинде Түштүк Осетиядагы чатакта Грузия геноцид, этникалык тазалоо саясатын жүргүздү деп айыптоодо.
