АКШнын Мамлекеттик катчысынын оюнча, Орусия Грузиядагы аскердик өнөктүгүнүн айынан эл аралык институттар менен кызматташуусун коркунучка кептеди. АКШнын мамлекеттик катчысы Кондолиза Райс Эй-Би-Си Ньюс сыналгысына курган маегинде учурда расмий Москванын эл аралык аброю жана анын эл аралык коомчулукта ойногон ролу коркунуч алдында деп айтты. Кабарларга караганда, Кремлдин Грузиядагы аскердик жаңжалга кийлигишкендиги үчүн АКШ Орусия менен пландаштырган деңизчи аскерлердин биргелешкен машыгуу долбоорунан баш тартты.
