Бул иш-чарада суу боюнча өз ара кызматташууну өрчүтүү, ички мүмкүнчүлүктөрдү өстүрүү менен жакшыртууда эл аралык жараяндарды жана программаларды өнүктүрүү тууралуу маселе талкууга алынат. Аталган жумалыкка кыргыз тарап чакырылган эмес. Бул тууралуу айыл, суу чарба жана кайра иштетүүчү өнөр жай министрликтин суу департаментинин башчысы Баратали Кошматов “Азаттыкка” билдирди. Кыргызстан үстүбүздөгү жылы апрель айында Берлинде өткөн суу жумалыгына катышканы белгилүү.(ZKo)
