Евробиримдиктин учурдагы президенттигин аркалаган Франция жакынкы арада Кавказдагы жаңжалды чечүү боюнча жаңы долбоорду Улуттар Уюмунун Коопсуздук кеңешинин талкуусуна киргизет. Бул долбоорду Грузия дагы, Орусия дагы жактырган. Кеңештин ушул айдагы төрагасы, Белгиянын Улуттар уюмундагы элчиси Ян Гролстун (Jan Grauls) айтымында, Франция долбоордун оңдолгон варианты тууралуу кеңештин башка мүчөлөрү менен дагы эки тараптуу сүйлөшүүлөрдү өткөрдү. Белгиянын элчиси долбоорго өзгөртүүлөр киргизилиши зарыл деди.
