Ош шаарынын борбордук базарындагы алып сатарлар дыйкандарды базарга жолотпой, азык-түлүккө бааны жки-үч эсе көтөрүп жиберишүүдө. “Мындан ары кызыл кулактык кылгандарга ачык күрөш жарыяладык,”- деп билдирди Оштогу борбордук базардын директору Базарбай Сөлпиев. Тартипке келүүну каалабагандар кылмыш жоопкеричилигине дейре тартылат деп кошумчалады. Көз карандысыз экономист Эркин Абдразаков муну аргасыз кадам катары эсептеп, жер-жерлерде даярдоо кеңсесин ачмайынча маселе чечилбейт деген пикирде. (АТо)
