Кыймылдан кабарлашкандай жыйын шаршемби, 20-август күнү өтөрү болжолдонууда. Анда “Акыйкат үчүн” кыймылынын жана Коомдук парламенттин алдыдагы иши тууралуу талкууланат. Күн тартибинде кыймылга мүчө болгон саясий партиялардын күзүндө өтүүчү жергиликтүү кеңештерге шайлоого даярдыгы тууралуу да кеп болмокчу. “Акыйкат үчүн” кыймылы 20-августтан тартып активдүү иш баштай тургандыгын, эң алды менен өлкөдөгү башкаруу системасын алмаштырууга аракеттер көрүлүп жаткандыгын “Азаттыкка” кыймылдын лидерлеринин бири Аликбек Жекшенкулов буга чейин кабарлаган эле.(ZKo)
