17:44 Оштун бир катар кичи райондору нөшөрлөп жааган жамгыр менен катуу шамалдан улам жарыксыз жана суусуз калышты

Ош шаарынын вице-мэри Мухидин Мамасадыковдун айтымында, Кыргызстандын түштүк башкалаасынын суу бөлүштүргүч бекети ылайлангандыктан, учурда тазалоо аракети көрүлүүдө. Ал эми ондогон подстанциялар күйүп кеткендиктен, аларды калыбына келтирүү көп убакытты жана каражатты талап кылууда.
Оштук серепчи Эркин Абдыразаков белгилегендей, табигый кырсык бул жөн эле шылтоо, жергиликтүү жетекчилер ар кандай чукул кырдаалга даяр кошумча шарттарды пайдаланууга милдеттүү эле.