Бул тууралуу анын адвокаты Кубан Калыков бүгүн “Азаттыкка” билдирди. Анын айтымында, ал бүгүн СИЗО-1 жалгыз киши кармала турган камерасында жаткан Ишенбай Кадырбеков менен кабарлашып келди. Абакта кармоонун мындай катаал түрүнө өткөрүү себебин Ишенбай Кадырбеков, Нарында аны бошотуу талабы менен ачкачылык акциясы жүрүп жатканы менен байланыштырууда. Акыйкатчы Турсунбек Акун бул маселеге киришип, аны чечүүгө аракеттенип жатканын адвокат кошумчалай кетти. Ишенбай Кадырбековду бошотуу талабы менен ачкачылык акциясы өткөн жумада Нарында башталган.(AiT)
