Парламент төрагасы Айтибай Тагаев 19-августта башталган иш сапарында Ош облусунун Араван, Карасуу, Өзгөн райондорун жана Ош шаарын кыдырып, жергиликтүү эл менен жолугушту. Ошондой эле ал жер титирөө жана башка табигый кырсыктардан жапа чеккен элдин азыркы абалы менен таанышты. Элет калкы ЖК спикерине негизинен ичиүүчү жана сугат суунун жетишсиздигин, жолдордун начардыгын жана айылдыктар тарабынан өстүрүлгөн айыл чарба продукцияларын сатып өткөрүүдөгү маселелер тууралуу айтып, бул көйгөйлөрдү чечүүдө көмөк көрсөтүүсүн өтүнүштү. Бул тууралуу төраганын маалымат катчысы Авланбек Жумабаев кабарлады.(ZKo)
