Алдын ала түзүлгөн күн тартибине караганда, парламент жайкы тыныгуудан кийинки алгачкы айда жалпысынан экономикалык жана социалдык мүнөздөгү 38 мыйзам долбоорун кароосу болжолдонууда. Алардын арасында биринчи окууда кабыл алынган Салык кодекси, “ Кыргызстандагы эң төмөнкү эмгек акы тууралуу” мыйзам долбоорлору бар. Ошондой эле Акыйкатчынын жылдык докладын угуу белгиленүүдө. Мындан сырткары сентябрь айында эл аралык келишимдерди ратификациялоого байланышкан 4 мыйзам долбоор, алардын катарында Кумтөр алтын кени боюнча долбоор да каралышы күтүлүүдө. Сентябрь айына белгиленген “өкмөттүк күндө” болсо депутаттар билим берүүнү өнүктүрүүгө багытталган гранттык каражаттардын пайдаланышы, Ысыкөл-Көл жээгиндеги санатория жана курортук мекемелердин быйылкы жайкы сезонго даярдыгы боюнча маалыматтарды угушат. Бул тууралуу Жогорку Кеңештин маалымат кызматы кабарлады.(SM)
