Алардын ичинен бир адамдын акыбалы өтө кыйын. Бул тууралуу №4 шаардык оорукананын жетекчиси Сабырбек Жумабеков “Азаттыктын” кабарчысы Илим Жанузаковго билдирди. Аталган ооруканага 24-август түнү кыйраган учактан аман калган жыйырма бир адам жеткирилген. Алардын төртөө медициналык жардам көрсөтүлгөндөн кийин үйлөрүнө кеткен. С. Жумабеков учурда кырсыктан жабыркагандарга колдон келген жардамдар көрсөтүлүп жатканын, даары-дармектер жетиштүү экенин айтты. (EBM)