Президенттин маалымат кызматы А. Сыдыковго бир жолку стипендия берүү тууралуу жардыкка Курманбек Бакиев бүгүн кол койгонун билдирди. Каражат жаш музыканттын фортепиано боюнча Ф. Листтин сыйлыгы үчүн жана Женевадагы эл аралык сынактарга катышуу үчүн керектелмекчи. Азамат Сыдыков П. И. Чайковский атындагы Москва мамлекеттик консерваториясынын студенти, орус пианисти Н.Петровдун окуучусу. 2007—2008-жылдары ири эл аралык сынактарда Кыргызстанды татыктуу көргөзүп келген. (EBM)