Кечээ Орусиянын эки палатасы тең президент Медведевди бул жумурияттардын өз алдынчалыгын таанууга чакырган резолюцияны бир добуштан кабыл алган эле. Мунун алдында АКШнын президенти Жорж Буш орус президентин Грузиянын аймактык бүтүндүгтүн сыйлоого чакырган эле. Жазуу жүзүндө жиберген билдирүүсүндө Буш Орусия парламентинин резолюцияларына терең тынчсызданып жаткандыгын белгилеген. Орусия Грузияга байланыштуу НАТО менен байланыштарын токтотуп, Дүйнөлүк Соода уюмуна кирүү боюнча сүйлөшүүнү да токтотууга даяр экендигин билдирүүдө.
