Британ тышкы иштер министри Дэвид Милибэнд өзү Украинага белгиленген визитин кечээ "Орусиянын Грузиядагы агрессиясына" каршы кеңири коалиция түзүү аракетинин алкагындагы иш сапар катары мүнөздөгөн. Британ тышкы иштер министри белгилегендей, анын өлкөсү Грузиянын көз карандысыздыгын жана аймактык бүтүндүгүн толук колдоону улантууда жана Орусиянын Түштүк Осетия менен Абхазияны көз карандысыз мамлекет катары таануусун "актоого болбойт жана кабыл алынгыс".