Эки тараптуу сүйлөшүү маалында Грузиянын жикчил эки аймагынын маселеси тууралуу сөз болушу мүмкүн экендигине саал мурдараак Кытай президенти ишаара кылган болчу. Медведевдин Абхазия жана Түштүк Осетия жарыялаган мамлекеттик көз каранды эместикти таануу тууралуу чечимине Батыш өлкөлөрү терс пикирин билдирген. Кытай жетекчиси болсо тийешелүү тараптар туура чечим кылат ко деген гана пикирин билдирген. Айтмакчы, эртеңки ШКУ саммити маалында орус президенти Медведев Иран, Казакстан, Тажикстан жана Өзбекстандын мамлекет башчылары менен да өз ара жолугат, анын Кыргызстан президенти менен жолугаар-жолукпасы азырынча так эмес.
Дүйшөмбү шаарында Орусиянын президенти Дмитрий Медведев менен Кытай президенти Ху Цзинтао жолугушту
