Пакистандын түндүк-батышында абакка кесилгендерди алып бара жаткан фургон машина минага кабылып жарылып, бери дегенде сегиз адам мерт болгону айтылууда. Полициянын айтымында, бул кол салуу террорчу жан кечтилер тарабынан жасалганын так айтуу кыйын. Пакистанда президент Мушарраф импичментке кабылуудан качып кызматынан кеткенден кийин өлкөдө кырдаал курчуду. Айрыкча Түндүк-Батышта жан кечтилер бир катар террордук чабуулдарды жасап жиберишти.
