Густав бороону АКШнын түштүк жээгине жакындап бараткан үчүн курултайдын программасы да өзгөртүлдү. Биринчи күнү АКШнын биринчи айымы Лора Буш менен республикачылдардан президентикке ат салыша турган Жон Маккейндин жубайы Синди Маккейн чыгып сүйлөшүп, табигый кырсыктан жапа чеккендерге кайрымдуулук жардамын көрсөтүүгө америкалыктарды чакырышты. Курултай 4-сентябрга чейин созулат. Бул жыйында Жон Маккейн Республикачыл партиянын атынан президентикке, Алясканын губернатору Сара Пейлин вице-президентикке талапкер болуп көрсөтүлөт деп күтүлүүдө.
