Сириянын президенти Башар Ассаддын айтымында, ал сүйлөшүүлөрдү баштоодон мурун жооп катары Израилден анын позициясын билдирген документти күтмөкчү. Ассад Франциянын, Түркиянын жана Катардын лидерлери менен Жакынкы Чыгыштагы коопсуздукту талкуулаган жолугушуу учурунда ушундай билдирүү жасады. Буга чейин сүйлөшүүлөр түрктөрдүн ортомчулугу астында болуп жаткан. Эки өлкөнүн талаш-тартышы Израил 1967-жылы ээлеп алган Голан дөңсөөсүсүнүн айланасында болуп келатат. Сирия аны кайтарып берүүнү талап кылууда.
