Базар жетекчилигинин билдиришинче, анда санитардык талаптарга жооп берген бардык ылайыктуу шарттар түзүлүүдө. Базардын ишке кириши менен бир миң эки жүз жаңы жумушчу орун түзүлөт. Жергиликтүү дыйкандар үчүн да жүз соода оруну да каралып, алар өздөрү өндүргөн айыл-чарба азыктарын ортомчу, алып сатарларсыз сатууга шарт түзүлмөкчү. Базарда айыл-чарба азыктары дүң баасынан анча кымбат эмес баада сатылмакчы. Буга чейин өлкө президенти жергиликтүү бийлик башчыларына айыл чарба азыктарынын баасын арзандатуу үчүн ушундай базарларды ачуу менен дыйкандарга өндүргөн продукциясын ортомчусуз сатууга шарт түзүү талабын койгон эле. (SM)
