Премьер-министр Игорь Чудинов менен болчу жолугушууда негизинен энергетика тармагындагы оор кырдаалга, кышка даярдыкка, жылуулук-электр борборундагы абалга байланыштуу маселелер козголот. Бул тууралуу “Азаттыкка” аталган фракция башчысынын орун басары Иса Өмүркулов билдирди. Анын айтымында, жолугушууда мындан сырткары Кумтөр алтын кени боюнча келишимге, келерки жылдын бюджетине жана баш калаанын ылдый жагындагы таштанды талаасынын айланасындагы чыр-чатакка байланыштуу маселелер да көтөрүлүп, өкмөт башчыдан аталган маселелерге жооп берүү талап кылынат.(SM)
