Президент Жорж Буш Ирактагы жоокерлердин санын кыскартуу жана Ооганстанда, тескерисинче, аскер күчтөрүн көбөйтүү тууралуу билдирүү жасаары кабарланууда. Ак Үй алдын ала тараткан билдирүүдө, эгерде коопсуздук жаатындагы кырдаал оңолсо, кийинки жылдын февраль айында Ирактан 8 миң жоокер чыгарылаары жана Ооганстанда аскер күчтөрүнүн саны көбөйтүлөөрү айтылат. Ушул тапта Иракта 146 миң, Ооганстанда 33 миң америкалык жоокерлер жайгаштырылган.
