Нарын облустук теле-радио компаниясынын төрагалык кызмат оруну беш айдан кийин кайрадан алмаштылды. Быйылкы жылдын апрель айынан бери облустук теле-радиону жетектеп келген Илич Кулназаровдун ордуна бүгүн Бейшенбек Калыковду Нарын облусунун губернаторунун орун басары Салтанат Эсенаманова отургузду. 2005-жылдын март ыңкылабынан кийин УТРКанын ошол учурдагы президенти Кыяс Молдокасымов тарабынан Нарын теле-радиосуна төрагалыкка дайындалган Бейшенбек Калыковду УТРКнын учурдагы башкы деректири Мелис Эшимканов апрель айында кызматтан бошоткон эле. (KUs)