Айыл-чарба министринин орун басары Байымбет Молдалиев Азаттыкка билдиргендей өлкөдө азык түлүк коопсуздугу камсыздалчу дан эгиндери жыйналды. “ Кыргызстанда жылына 1 миллион 200 миң тоннадай буудай керектелет. Анын 60 пайызын (800 миң тонна) биз өзүбүз камсыздап келебиз. Быйылкы түшүм ойдогудай чыгып, бүгүнкү күнгө эле дээрлик 700 миң тоннадай буудай жыйнаганга үлгүрдүк ” – дейт Б.Молдалиев. Ушу тапта бир килограмм буудайдын базар баасы 12-14 сомго жетүүдө. Кышка карап буудай, ундун баасы көтөрүлүп кетээрин министрдин орун басары четке какпайт. (EK)
