Кабарларга караганда, Ашхабаддагы атышуу исламчыл белгисиз топ менен коопсуздук күчтөрүнүн ортосунда жүргөн. "Азаттык жана Эркин Европа" үналгысынын түркмөн кызматы алган маалымат боюнча эки жактан тең жоготуу жана жаракат алгандар бар. АКШнын Ашхабаддагы элчилиги шаарда атышуу болгонун ырастады. Бирок окуянын чоо-жайы азырынча белгисиз. Түркмөнстандын өкмөт көзөмөлүндөгү маалымат каражаттары бул боюнча эч кандай кабар тараткан жок.
