Борбордук шайлоо комиссиясынан маалымат кызматынын өкүлү Бакыт Жумагуловдун "Азаттыкка" билдиришинче 14-сентябрда талапкерлерди каттоо аяктады жана алардын так саны беш күндүн ичинде аныкталат. Каттоодон өткөн талапкерлер жергиликтүү жана шаардык кеңештеги жети миңден ашуун орун үчүн ат салышмакчы. Бүгүнтөн тарта талапкерлердин үгүт өнөктүгү башталды. Шайлоо тууралуу мыйзамга ылайык үгүттөө добуш берүүгө жыйырма төрт саат калганда токтотулат. Жергиликтүү кеңешке депутаттарды шайлоо 5-октябрда өтөт. (EBM)
