Борбордук шайлоо комиссиясынын өкүлү Аманкул Молдалиевдин “Азаттыкка” маалымдашынча Бишкектен кырк төрт орун үчүн үч жүз жетимиш сегиз талапкер ат салышмакчы. Баткенде шайлоого бир миң эки жүз элүүдөн ашык адам катышат.Учурда башка аймактарда талапкерлердин документтерин тактап, кылдат текшерүү жүрүп жатат. Жалпысынан республика боюнча жети миңден ашуун орун үчүн он беш миңден ашык талапкер катталган. Талапкерлерди каттоо кечээ соңуна чыгып, бүгүн үгүт өнөктүгү башталды. Жергиликтүү жана шаардык кеңешке депутаттарды шайлоо 5-октябрда болот. (EBM)
