Бул тууралуу “Азаттыкка” билдирген “Демократия жана жарандык коом үчүн” коалициясынын жетекчиси Динара Ошурахунованын айтуусунда, бул өнөктүктүн алкагында “Жарандык уюмдар бирикмеси” аттуу уюмдун өкүлдөрү республиканы кыдырып башташат. Анда шайлоочуларга алардын укуктары айтылып, шайлоодо туура тандоо жасоо үчүн кеңештер берилет. Ошону менен катар үгүт маалында жана шайлоо күнү жарандык коомдун өкүлдөрү өзүнчө байкоо жүргүзүшмөкчү. Маалыматтык-агартуу кампаниясы 1-2-октябрга чейин созулат.(MSu)
