35 жашкы чейинки жаштар он беш пайызды түзөт. Жалпысынан шайлоого 15 139 талапкер катышууда. Катталуу үчүн документ тапшыргандар он беш жарым миңден ашкан, бирок алардын айрымдары ар кандай себептер менен талапкерлигинен баш тарткан. Бул туурасында “Азаттыкка” Борбордук шайлоо комиссиясынын өкүлү Аманкул Молдалиев билдирди. Анын маалымдашынча саясий партиялардан сегиз жүздөй өкүл катышууда. Калгандары өзүн өзү көрсөткөндөр. Шайлоо өнөктүгүндө негизинен үгүттөө ар кандай нааразылыктар менен коштолот, үгүт материалдарды мыйзамсыз жол менен чыгаруу, шайлоочуларды сатып алуу, талапкерлердин бири-бирине доомат коюусу сыяктуу иштердин алдын алуу максатында баардык шайлоо комиссияларына талапкерлер менен тыгыз иштөө тапшырылды, дейт А. Молдалиев. (EBM)
