Форумга Евробиримдикке, Борбор Азияга кирген бардык өлкөлөрдүн, Орусия, Кытай жана Жапониянын өкүлдөрү катышты. Алгачкы ирээт өткөн бул форумда террорчулук жана баңги соодасы менен күрөш, энергетикалык коопсуздук жана экономикалык кызматташтык өңдүү маселелер талкууланды. Анын аралыгында кечээ Парижде болжол менен жыйырмага чукул киши Түркмөнстандын Франциядагы элчилигинин алдында нааразылык акциясын өткөрүштү. “Чек арасыз кабарчылар” уюмунун өкүлдөрү форумдун катышуучуларын Борбор Азия өлкөлөрүндөгү сөз эркиндигинин абалына көңүл бурууга чакырышты.
