Ата-энелер өкүлдөрүнүн “Азаттыкка” билдирүүсүнө караганда, Өзгөн районундагы Эгемжаров жана Чомо баатыр атындагы орто мектептеринин окуучулары дале чатырларда билим алышууда. Эртели-кеч суук болгондуктан балдар массалык түрдө ооруп калышы ыктымал. Ал эми жаңы мектептердин курулуш иштери качан бүткөрүлүп, пайдаланууга тапшырылаары белгисиз. Өзгөн районунун акиминин орунбасары Матлюба Шарипова ата-энелердин маалыматын тастыктап Эгемжаров мектеби 20-октябрда, Чомо баатыр мектеби 1-ноябрда ачылаарын билдирди. (АТо)