Гейтстин айтымында, Орусиянын азыркы саясаты чектешкен жакын мамлекеттерди опузалап башкарууга багытталган, бирок бул – бир кезде Советтер Биримдиги жүргүзгөндөгүдөй дүйнөлүк үстөмдүк кылууга багытталаган идеологиянын туундусу эмес. Бул тууралуу Гейтс жума күнү Британиядагы иш сапары маалында билдирди. Ал эми Орусия президенти Дмитрий Медведев болсо Орусия Батыштын көрсөткөн кысымына моюн сунбайт жана Грузиядагы согуш үчүн эл аралык бөлүндүдө калууга жол бербейт деди.
АКШнын коргоо министри Р.Гейтс Орусияны демократиялык чакан өлкөлөргө басым көрсөткөндүгү үчүн сынга алды
