Алар Борбордук шайлоо комиссиясынын Ишенбай Кадырбековду камакта кармоодон баш тарткан чечими менен финансы полициясына барышып, Кадырбековду бошотууга аракет жасашат. Бул тууралуу Кадырбековдун иниси Ишен Айтмамбетов “Азаттыкка” билдирди. “Ата Мекен” партиясынан Бишкек шаардык кеңешке депутаттыкка талапкер болуп катталган Ишенбай Кадырбеков кызмат абалынан кыянат пайдаланган деп, апрель айынан бери абакта кармалып турат. Талапкер болуп катталган Кадырбековду абактан бошотуу чечимин БШК өткөн жуманын соңунда кабыл алды.(AiT)
