Жолугушууда мамлекет башчысы К.Бакиев тышкы саясат боюнча Кыргызстан менен Казакстандын позициясы көп жагынан төп келишерин, эки өлкө ортосундагы мамилелерди арттырууда жана эл аралык саясатта пикир келишпеген орчундуу маселелер жок экендигин белгиледи. Өз сөзүндө Мажилис Төрагасы Аслан Мусин казак парламентинин делегациясынын расмий сапары буга чейин эки өлкөнүн президенттеринин жолугушуусундагы парламенттер аралык кызматташтыкты кеңейтүү жана чыңдоо боюнча макулдашылган келишимдерди турмушка ашыруу багытындагы иш чара экендигин кошумчалады. Маалыматка караганда Кыргызстанда 400 ашуун кыргыз-казак биргелешкен ишканасында, 8 миңден ашуун адам жумуш менен камсыз болгон. (AJ)
