Орусиянын аскерий кемелери Венесуэлага жол тартты

Өзөктүк курал алып жүрүүгө жөндөмдүү Улуу Петр крейсери жана аны коштогон башка үч кеме бүгүн Түндүк флоттун Северомрск шаарындагы базасынан чыгып кетти. Өлкөнүн аскер-деңиз күчтөрүнүн маалымат катчысы Игорь Дыгалонун билдиргенине караганда, аскерий кемелер Венесуэла тарап менен бирге өткөрүлүүчү машыгууларга катышат. Мунун алдында Венесуэлага Орусиянын бомба таштоочу стратегиялык учактарынын экөөсү барган.

Орусия жакында Грузия менен аскерий жаңжаалдан кийин АКШ менен алакасы начарлаган шартта Латын Американын Венесуэла, Куба жана башка өлкөлөрү менен соңку кездери байланыштарын күчөттү.