“Жүрөктүн бүткүл дүйнөлүк күнүнүн” урматына Кыргызстандын жүрөк жана органдарды алмаштыруу боюнча илимий изилдөө институту жарандардын жүрөктөрүн акысыз текшерүү акциясын өткөрүп жатат. Дарыгерлерге кайрылгандарды институттун илимпоз окумуштуу дарыгерлеринин баары текшерип жатышат. Институттун директору Калдарбек Абдрамановдун “Азаттыкка” билдирүүсү боюнча текшерүү башталган саат ондон он бирге чейин отуздан ашык адам текшерилди жана акция саат күндүзгү экиде аяктаганча жүздөгөн адам кайрылат деп болжолдонууда.(BD)
