Дүйшөмбүдө Ак үйдө АКШнын президенти Жорж Буш Украинанын президенти Виктор Ющенкону кабыл алды. Эки өлкөнүн башчылары Украинанын НАТОго жана Европа биримдигине кошулуу маселесине байланыштуу келечектеги иштин жөнү тууралуу сүйлөшүштү. Буш украин президенти Ющенконун демократиялык баалуулуктарды жактаганын жогору баалап, Украинада демократияны чыңдоо үчүн мындан ары дагы кызматташууга даяр экендигин билдирди.
