Бул тууралуу башкы прокуратуранын тергөө башкармалыгынын башчысы Учкун Каримов бүгүн “Азаттыкка” билдирди. Анын маалымдоосуна караганда, президентик администрациянын башчысы Медет Садыркулов да жакынкы күндөрү БШКнын төрайымы Клара Кабилованын видеокайрылуусуна байланыштуу суракка күбө катары чакырылат. Учурда чакыруунун убактысы такталууда. Анткени Клара Кабилованын кайрылуусунда Медет Садыркуловдун да ысмы аталган. “Шайло ишине тоскоолдук жасалды” деп козголгон кылмыш иштин алкагында БШКнын мүчөлөрү күбө катары суралды. Ал эми бүгүн президенттин уулу Максим Бакиев тергөөчүлөрдүн суроолоруна жооп берди.(AiT)
