Европа Кеңеши орус-грузин кагылышуусу болгон аймактарда адам укуктары бузулгандыгы тууралуу маалыматты атайын иликтей турган болду. Бул тууралуу аталган уюмдун башкы катчысы Терри Девис билдирип, иликтөө иштери жакын арада жүргүзүлөөрүн кошумчалады. Анын айтымында, Страсбургдагы адам укуктары боюнча Европалык сотко тигил же бул тараптын кагылышуудагы аракеттери боюнча 1700 арыз келип түшкөн.
