Бул тууралуу Саламаттык сактоо министрлигинин басма сөз кызматынан билдиришти. Жер титирөө болгон жерде медициналык жардам көрсөтүп жаткан дарыгерлердин маалыматы боюнча Нура айылында 72 адам каза болгон. Оор жаракат алгандар Ош шаарына жеткирилип, айрымдарына Сары-Таш айылындагы медициналык пункттан жардам көрсөтүлүүдө. Сары-Таш айылында жүргөн Оштогу кабарчыбыз Алишер Токсонбаевдин кабарлаганына караганда каза болгондордун сөөгү эртең (7-октябрда) жерге коюлат. (AJ)
