Лондондо негизги индекс соода башталгандан көп өтпөй 5 пайызга ылдыйлап кетти. Токиодо фондулук биржалардагы мындай төмөн көрсөткүч 4 жылдан бери байкала элек болчу. Инвесторлор АКШнын куткаруу планы глобалдык финансылык кризисти токтотууга кудуреттүү эмес деп чочулап жатышат. Анын үстүнө дем алыш күнү Германиянын өкмөтүнө өлкөнүн ири банкын банкроттуктан сактап калууга туура келди. Россиянын негизги фондулук биржасындагы (РТС) соода убактылуу токтотулду. Себеби баалуу кагаздардын баасы кескин арзандап кетти.
