Жогорку Кеңештин басма соз кызматынын маалыматына караганда, Алай районуна “Ак жол”, Социал-демократтар, Коммунисттер фракциясынан 10 депутат бүгүн эртең менен жөнөп кетишти. Алардын катарында Азиза Турсунбаев, Бакыт Бешимов, Иса Өмүркулов, Анаш Сейитказиев, Аскар Салымбеков бар. 5-октябрдын түнүндө Кыргызстандын түштүк аймагында болгон катуу жер титирөө Алай районундагы Нура айылын талкалап кетти. Зилзалада 74 адам мерт болуп, 100дөн ашык киши жаракат алышты. (BuS)
