Бул тууралуу КМШ аткаруу комитетинин катчысы Сергей Лебедев маалымат жыйынында билдирди. Анын айтымында, Абхазиянын жана Түштүк Осетиянын көз карандысыздыгын таануу боюнча маселе КМШнын ТИМ кеңешинин бүгүнкү жыйынында каралган жок. Бул маселе КМШ өлкөлөрүнүн мамлекет башчыларынын саммитинде да каралбастыгын кошумчалады. Лебедев Абхазия, Түштүк Осетия маселеси август айында Дүйшөмбү шаарындагы ШКУнун саммитинде жана ЖККУнун сентябрдагы жыйынында талкууланып, буга ар бир мамлекет өз алдынча баа беришери тууралуу чечим кабыл алынганын кошумчалады. (AJ)
