Кыргызстандын президенти Курманбек Бакиевдин төрагалыгы астында өтчү бул жыйында 26 маселе талкууланып, 21 документ каралаары күтүлүүдө. КМШ саммитинин күн тартибинин негизги маселелси катары КМШнын 2020-жылга чейин экономикалык өнүгүү стартегиясынын долбоору талкууланат. Саммиттин жүрүшүндө ошондой эле коопсуздук, транспорт байланышын чыңдоо, чек арадагы кызматташтык, бирдиктүү энергетикалык мейкиндикти түзүү жана Улуу Жеңиштин 65-жылдыгына даярдык көрүү маселелери каралат. Мындан тышкары Беларустун сунушу менен саммитте КМШ мамлкеттеринде 2009-жылды – Жаштардын жылы деп белгилөө маселеси талкууланаары күтүүдө. Буга чейин маалымдалгандай, КМШнын Бишкектеги саммитинде ошондой эле Грузиянын мүчөлүгү жөнүндө маселе каралат.(MSu)
