Мындай маалыматты «Азаттыкка» медициналык жардамды уюштуруу башкармалыгынын башчысы Динара Зарлыкова билдирди. «Жер титирөөдөн кийин эле жабыркагандар шашылыш, массалык түрдө ооруканага жөнөтүлгөндүктөн, балдардын көбү ата-энелеринен адашып калышыптыр. Жакында эле жетим калды деп эсептелген жети баланын ата энелери балдарын издеп келип, ооруканадан табышты. Азыр дагы атасы же энеси жок балдар бар. Бирок алардын ата-энелери ким экендиги такталууда», - дейт Динара Зарлыкова. Анын айтуусунда, учурда ооруканадан жыйырма окуучу чыгарылып, мектеп-интернаттарга жатып окуу үчүн жөнөтүлдү.(AzK)
